ഐപിഎല് 2026 സീസണ് ഉദ്ഘാടന മത്സരത്തില് നിലവിലെ ചാമ്പ്യന്മാരായ റോയല് ചലഞ്ചേഴ്സ് ബംഗളൂരുവും സണ്റൈസേഴ്സ് ഹൈദരാബാദും ഏറ്റുമുട്ടും.
18 വര്ഷത്തെ കാത്തിരിപ്പ് അവസാനിപ്പിച്ച് 2025 സീസണില് നേടിയ കന്നിക്കിരീടം നിലനിര്ത്തുകയാണ് രജത് പാട്ടിദാര് നയിക്കുന്ന, സൂപ്പര് സ്റ്റാര് വിരാട് കോഹ്ലിയുടെ ആര്സിബിയുടെ ലക്ഷ്യം. പരിക്കേറ്റ് വിശ്രമത്തിലുള്ള ഓസീസ് പേസര് ജോഷ് ഹെയ്സല്വുഡ് ഇല്ലെന്നതാണ് ആര്സിബിയുടെ പ്രശ്നം. എന്നാല്, ഫില് സാള്ട്ട്, ദേവ്ദത്ത് പടിക്കല്, ടിം ഡേവിഡ്, ജോര്ദാന് കോക്സ്, ജേക്കബ് ബെഥേല്, വെങ്കിടേഷ് അയ്യര്, ഭുവനേശ്വര് കുമാര്, ജേക്കബ് ഡഫി തുടങ്ങിയ വന്നിര ആര്സിബിക്കുണ്ട്.
ഐപിഎല് ചരിത്രത്തിലെ ഏറ്റവും ഉയര്ന്ന ടീം ടോട്ടലുകളില് ആദ്യ നാലും സ്വന്തം പേരിലുള്ള ടീമാണ് സണ്റൈസേഴ്സ് ഹൈദരാബാദ്. പാറ്റ് കമ്മിന്സിന്റെ അഭാവത്തില് ഇഷാന് കിഷനാണ് ക്യാപ്റ്റന്. ട്രാവിസ് ഹെഡ്, അഭിഷേക് ശര്മ, ഹെന് റിച്ച് ക്ലാസന്, ലിയാം ലിവിംഗ്സ്റ്റണ് എന്നിങ്ങനെ നീളുന്നു എസ്ആര്എച്ചിന്റെ ആവനാഴിയിലെ ആയുധങ്ങള്... രാത്രി 7.30ന് ബംഗളൂരു എം. ചിന്നസ്വാമി സ്റ്റേഡിയത്തിലാണ് ഉദ്ഘാടന പോരാട്ടം.
ഐപിഎൽ ട്വന്റി-20 സീസൺ 19
ഗ്രൂപ്പ് എ
►ചെന്നൈ സൂപ്പര് കിംഗ്സ്
►കോല്ക്കത്ത നൈറ്റ് റൈഡേഴ്സ്
►രാജസ്ഥാന് റോയല്സ്
►റോയല് ചലഞ്ചേഴ്സ് ബംഗളൂരു
►പഞ്ചാബ് കിംഗ്സ്
ഗ്രൂപ്പ് ബി
►മുംബൈ ഇന്ത്യന്സ്
►സണ്റൈസേഴ്സ് ഹൈദരാബാദ്
►ഗുജറാത്ത് ടൈറ്റന്സ്
►ഡല്ഹി ക്യാപ്പിറ്റല്സ്
►ലക്നോ സൂപ്പര് ജയന്റ്സ്
Deepika
E-paper LOGIN
LOGIN
